Fanabeazana sy Fanofanana

Ny diosesy dia manana ireo seha-panofanana ho an’ny fanompoana eo anivon’ny fiangonana, sy ny toeram-pianarana manokana momba ny mozika ary ireo sekoly maro ho an’ny fanabeazana ireo ankizy sy tanora.

Fanofanana teolojika

Kolejy Teolojika Ambatoharanana

Ny Kolejy Teolojika Santa Paoly Ambatoharanana dia toeram-panomanana ho an’ireo hiroso amin’ny Filaharana Masina eo anivon’ny Fiangonana Anglikana niorina ny taona 1878.

Anisan’ireo vakoka manan-tantara eto Madagasikara ihany koa ny ao Ambatoharanana, ary toerana mitahiry ireo arsivan’ny fiangonana.

Fifandraisana:

+261 34 90 667 75

IAFTDC

Ny IAFTDC dia toeram-panofanana niorina ny taona 2017 teto anivon’ny Diosesin’Antananarivo.

Ny tanjony dia ny hampitombo hatrany ny fahalalana eo amin’ny lafiny ara-panahy sy ara-pastoraly, ny hai-tarika ary ny lafiny fampandrosoana.

Ny fanofanana ao amin’ny IAFTDC dia mifantoka amin’ny fampitomboana ny fahalalana ho an’ireo ho mpitarika eo anivon’ny fiangonana.

Fifandraisana:

+261 34 43 196 11

SEFAMALA

Ny SEkoly FAnofanana MAsina ho an’ny LAika (SE.FA.MA.LA), niorina ny taona 1988, dia sehatra fanofanana ireo laika maniry handalina bebe kokoa ny Tenin’Andriamanitra sy ireo maniry hiroso amin’ireo seha-panompoana Laika eo anivon’ny eklesia toy ny:

Evanjelistra
Mpiandry
Mpitoriteny

Fifandraisana: +261 34 59 797 60

Fanabeazana

Anglican Music Institute-AMI

Ny Anglican Music Institute (AMI) dia toeram-pianarana manokana eto Antananarivo, niorina ny taona 2006.

Ny tanjony dia ny hampitombo bebe kokoa ny lentan’ny fampianarana mozika eto Madagasikara, ao anatin’ny tontolo kristiana.

Fifandraisana: +261 38 59 092 69

Sekoly Anglikana

Ny fiangonana anglikana dia mandray anjara mavitrika hatrany amin’ny fanabeazana ireo ankizy sy tanora, izay hoavin’ny firenena.

Efa nanomboka hatrany amin’ny fotoana nahatongavan’ireo misionera voalohany ny asa fanabeazana nataon’ny fiangonana ho fandraisany anjara amin’ny fampandrosoana ny fiaraha-monina.

Ny tanjony dia ny hampita sy hampitombo hatrany ny fahalalana ary manabe sy mitaiza ao anatin’ny tontolo kristiana.

Vaovao samihafa

Fametrahana ny Arsevekan’i Canterbury faha-106

25 Martsa 2026 - Notanterahina androany ny fametrahana tamin'ny fomba ofisialy ny Arsevekan'i Canbterbury faha-106, dia ny Sa Grâce Mgr Sarah Mulally...

Recyclage Klerje 2026

16 Martsa 2026 - Taorian'ny fanendrena ireo klerje vaovao eto anivon'ny Diosesin'Antananarivo dia niroso tamin'ny fanaovana ny "Recyclage" ireo klerje...

Fanendrena Klerje 2026

15 Martsa 2026 - Notanterahina tao amin'ny Katedraly St Laurent Ambohimanoro ny fanendrens ireo presbytera sy diakona vaovao hiasa eo amin'ny sahan'ny Eklesia...