Fiaraha-miasa

Trinity Wall Street

Ny Diosesy dia niara-niasa tamin’ny TRINITY, WALL STREET tamin’ireo tetikasa fampandrosoana samihafa hanohanana ny asa tanterahin’ny fiangonana. Anisan’ireo asa lehibe niarahana tamin’izany ny fananganana ny TRANO KAMBANA, ary anisan’ireo tetik’asa nahomby sy modely indrindra.

Diosesin'i Canterbury

"Ny Mgr Jaona sy Neny Tantely niaraka tamin'ny Mgr Rose, Evekan'i Dover ao Canterbury nandritra ny fitsidihany teto Madagasikara"

Efa maherin’ny 40 taona teo ny fifandraisana nisy teo amin’ny Diosesin’i Canterbury sy ny teto Madagasikara.

Nandritra izay fotoana izay, ary mitohy mandrak’ankehitriny dia nisy ireo tetikasa maro samihafa hanohanana ny asan’ny fiangonana sy fanampiana noho ireo voina samihafa nitranga.

Ankoatran’ny fanampiana sy fanohana samihafa dia mitohy hatrany ny fifampitondrana am-bavaka sy fifamangian’ny diosesy roa tonta.

USPG

Ny taona 1864 no nahatongavan’ireo misionera avy amin’ny SPG (USPG ankehitriny).

Nandritra ny taona maro nifandimby taty aoriana dia nanohana hatrany ny asan’ny fiangonana ny USPG toy ny tetikasa fampandrosoana sy ny fiahiana ara-tsosialy noho ny voina vojanahary.

The Mother’s Union

Ny Fikambanan’ny Reninjaza maneran-tany dia manohana hatrany ny fikambanana eto an-toerana amin’ny alalan’ireo fanofanana sy fizarana traikefa samihafa ho an’ireo tompon’andraikitra ao anatin’ny fikambanana.

Anglican Aid

Hatramin’ny nijoroan’ny toeram-panofanana teolojika teto amin’ny Diosesy ny taona 2017 dia anisan’ireo nanampy izany ny Anglican Aid, tamin’ny alalan’ny Provansa, ka namatsy ireo fitaovana informatika samihafa ampiasain’ny toeram-piofanana sy ny fanatsarana ny fotodrafitr’asa.

Centre for Global Mission

Tao anatin’ny fiaraha-miasa teo amin’ny Centre for Global Mission sy ny diosesin’Antananarivo no nahafahana namokatra ireo boky entina manatanteraka ny fanofanana samihafa ho an’ny laika maniry handalina bebe kokoa ny finoana.

Anglican Missions Service Committee (AMSC)

Ny fikambanana AMSC dia manohy hatrany ny fiahiana ny fitaizana ireo zaza kamboty ao amin’ny Akany Famonjena.

Ity toerana ity moa dia naorin’i Ramatoa Mary Sherwood, izay mpikambana avy ao amin’izany fikambanana izany.

Vaovao samihafa

LANGHAM PREACHING 2026-ANTANANARIVO

14 Mai 2026-Notanterahina tao amin’ny IFLA Iavoambony ny 06 ka hatramin’ny 09 Mai lasa teo ny fiofanana « Langham Preaching » Niveau 1 sy 2...

Fanambarana avy amin’ny FFKM

30 Aprily 2026 - Fanambarana avy amin’ny FFKM tamin’ny alalan’ny Filohan’ny FFKM Mgr RANARIVELO Samoela Jaona, androany 30 Aprily 2026 teto Ambohimanoro.

Hafatra Paska 2026

Hafatra Paska avy amin'ny Evekan'ny Diosesy, Mgr RANARIVELO Samoela Jaona